All Souls Day Homily

All Souls Day Homily

(Some of the reflections are taken from the reflection of Fr. Abet and Fr. Vir)

MAAYONG BUNTAG KANATONG TANAN!

Karon ang simbahang Katoliko sa tibuok kalibutan nagsaulog sa All Souls Day o adlaw sa mga patay o kalag-kalag. Gihandum nato ang mga nangamatay nga magtutuo sa Ginoo.

Unsaon ba nato paghandum sa atong mga patay isip buhi nga magtotuo? Igo nab a ang pagpintal ug bag-o sa pantiyon? Igo nab a ang pag guna sa sagbot sa palibot? Sakto ba nga maghubog sa paghandum nila? Okay nab a kun g halaran ug suman, biko,litson,tanduay ug uban pa? ing-anaon ba nato sila paghandum?

DIILI! Kay ang sakto nga paghandum kanila mao ang paghalad sa PAG-AMPO. Kabalo kita nga ang misa ang pinakataas nga pag-ampo. Busa kita nga mga buhi katon nga naghandum sa atong mga minatay karun sakto kini atong gibuhat nga naghalad tau g pag-ampo alang kanila. Ang beer, suman, pintal ug uban pa di makadala kanila sa gingharian sa Dios. Apan ang atong pag-ampo makadala kanila sa gingharian sa Dios.

Busa kita karun mga buhi nga magtotuo nag-ampo sa mga kalag sa purgatorio aron malangit sila…samtang ang mga santos sa langit nag-ampo alang sa mga buhi arun makasugakod sa kasakit ug mahimong bulahan.(connection sa All saints day)

Busa ang pag-ampo gamhanan. Ang pag-ampo makaluwas ug makabag-o

Isip nga magtotuo, kita gitodluan sa simbahan nga ang kinabuhisa tawo gasa sa Dios. Matag adlaw, matag minute, matag Segundo sa atong kinabuhi gasa sa Dios. Ug tungod kay gasa man kini sa Dios, ato kining gamiton sa mayo sumala sa iyang kabubut-on. Dili nato kini abusaran, dili usab nato kini usikan.

Ang kinabuhi sa tawo mubo lamang.

Ang kamubo sa kinabuhi dinhi sa kalibutan makapabalaka sa tawong kalibutanon, apan dili sa mga tawong matoohon. Kita nga mga sumusunod ni Kristo mitoo sa iyang gipamulong: “amg motoo kanako dili mamatay kon dili makabaton sa kinabuhing dayon”. Gihimo kita para makig-uban sa Dios. Dili aron magpabilin ning kalibutana. Ang atong pagpangandam dili ra kutob dinhi kondili sa kinabuhi nga giandam sa Dios kanato.

Ang tinuod nga magtotoo angay madasig sa paghatag ug bili sa matag Segundo ning kinabuhi sa kalibutan. Gamiton nato ang matag gutlo sa atong kinabuhi sa paghimo sa kabubut-on sa Dios. Dili nato usikan ang mga adlaw sa pagpakigaway, pagpakigdumot ug pagpakigbungol sa atong mga igsoon ug silingan. Dili nato kawangon ang daghang oras sa pagsugal, pag-inum ug ubang dautang mga bisyo. Hinoon, gamiton nato ang matag panahon sa mga butang nga makahuluganun sama sa pag-alagad sa usag-usa, paghigugmaay, pagpinasayloay ug uban pa. dili nata maghulat og matigulang para magtinarong. Dili nata maghulat nga masakit para mabag-o sa batasan. Dili nata maghulat nga moretiro para motabang sa simbahan. Kon duna tay gusto nga buhaton para sa Dios ug sa isigkatawo, buhaton na nato karon kay basin ugma ulahi na ang tanan.

Sa atong Ebanghelyo karun si Jesus maghukom kanato. Unsaon man nato arun kita maluwas? Kon kita sa matag higayon nagahimo niining mga butanga sa usa ka labing ubos nga igsuon:

• Ang pagpakaon sa gigutom

• Pagpainum sa giuhaw

• Pagdawat sa balay

• Sa pagbisti sa hubo

• Pagalima sa nay sakit

• Pagbisita sa bilanguan

Ug mangutana mo kanako karun. Brother unsaon man namo pagpakaon, painum, pagbisti ug uban pa nga pobre man mi kayo.

Hinumduman nato kini nga WALAY POBRE NGA TAWO NGA WALAY MAIKAHATAG UG WALAY DATO NGA DILI NA MANGINAHANGLAN

Ang Ginoo maghukom kanato dili sa atong physical appearance, kurso nga nahuman, posisyon sa katilingban ug uban pa. kon dili si Jesus magahukom kung unsa atong mga binuhatan dire sa kalibutan.

Nag pakaon kaba, nagpainum, nagbisti, nagdawat, nagalima, ug nag bisita ka ba sa ubos mong mga igsuon?

Hinaut unta!