Luke 1:67-79
maayong gabii sa tanan!
karung gabhiona ang katapusan o ang ika siyam nga gabii sa paghulat sa pag abot sa Ginoo. sa ka siyam ninyo nga pag simba naa ba moy nailhan o nahimamat nga usa ka bag-ong higala? busa karun mga igsoon ila-ilaha ang inyong tapad kung unsay iyang pangalan ug e greet dayun ug maayong gabie kanimo akong higala.
kinsa kanato ang naka perfect attendance sa simbang gabi? pataas kamot? (8,7,6,5,4,3,2,1) unsa man ang inyong nakuha diha sa inyong pagsimba taga adlaw sulod aning siyam ka gabie? naa ba?
naay usa ka lola ug apong lalaki. amigo kaayo ni silang duha. malipay kaayo ni si lola labi na gyud ug ting simbang gabi na kay pirmi naman niya mauban ang iyang paboritong apo. si lola taga adlaw gyud mosimba, pagkahuman sa ika siyam nga pag simba nangutana ang apo sa lola. unsa may imong nakuha la sa sige nimo ug simba? naa bakay nakuha nga milagro?natuman ba imong wish sa Ginoo? unya la panahon sa homiliya gaka tolog man ka...wala mani pulos la atong pagsimba la...ang lola natuk-an sa iyang nadunggan. sa pag abot nila sa ilang balay ang lola misugo sa apo. doy, palihug kug sag-ob sa tabay gamit ning hugaw nga sako. pun-a ning balde ha. laYO-layo pud ang tabay...na problemahan ang apo kay wa gyud siya'y gakakuha nga tubig para mapuno ang balde. ug siya mibagotbot sa iyang lola. la, wala mani pulos imong gisugo oi. di naku mapuno ug tubig ang balde...mi smile ang lola...hehehehe...makabalos ta gyud ko. ang lola miingon sa apo. tinuod dong nga wala kay nakuha apan tan-awa ang sako nga imong gigamit na unsa? diba mipoti ug nalimpyo...pareha ra na sa pag simba dong usahay murag wala kay nakuha pero diha sa sulod sa imong kasingkasing naghinayhinay ug kaputli.
unta mga igsoon ko diha nio kristo sa atong pagmata ug sayo o pag simba sa taga adlaw makit-an unta nato ang kabagohan sa atong kasingkasing ug mao unta kining milagro nga atong ginapangita sa Ginoo. unta sa atong pag sige ug simba kaniya makakanta o makadayeg kita kaniya sama ni Zacarias diha sa atong ebanghelyo karun. unta sa ka siyam ka adlaw natong pag-apil sa misa mitukib unta ang pulong sa Ginoo diha kanato. ug kini mao na dayun ang sumbanan sqa maayong relasyon diha sa Ginoo.
diba diha sa t.v. sa pilipinas win na win naay portion diha nga theme song ng buhay ko...diba kung ikaw nahigugma o sa mag uyab dili gyud na mawala ang themesong...ang mga seminarista naa poy theme song (o tukso layuan mo ako). ang pag awit usa ka expression sa kalipay o kadait nga gibati sa tawo. si Zacariaqs nalipay kaayo nga naa siya'y anak nga lalaki busa siya mipasalamat ug midayeg sa Dios.
sama sa kasinatian sa usa ka balo nga ginganlan ug mayeng. aduna siyay anak nmga lalaki nga si ayeng. si ayeng ang hinungdan sa tanan niyang pagpaningkamot. iyang gibuhat ang tanan paninda ug utanon, pamaligya ug mga ukay-ukay, dvd, vdc, mp3, drive sa rela, labada ug uban pa aron lamang mahatag niya kang ayeng ang maayo nga edukasyon, para sa iyang kaugmahon. bisan sa iyang kalisdanan, gipatungha ni mayeng si ayeng sa usa ka pribado nga eskwelahan . nag malampuson si ayeng sa iyang pagtuon. wala masabti ni mayeng ang iyang gibati sa pagtapos ni ayeng sa kolehiyo. daw kasinggiton siya ug nagbakho siya sa kalipay sa ilang pag paso. nisamot ang iyang paghilak sa pagsaka nilang duha sa entablado ug sa iyang pagkasayod nga magna cum laude diay iyang anak. siya mismo ang nagtaud sa medalya sa liog ni ayeng. apan gipuwas kini ni ayeng ug gisul-ob ang medalya kang mayeng dayun ug ingon, ma iakw ang tinuod nga magna cum laude.
mga igsoon ang kalipay nga gibati sa usa ka inahan nga ginganlag mayeng sa maong estorya, naga hulagway sa susamang kalipay nga nabati ni Zacarias saq dihang ang iyang asawa nga si isabel nanganak ug lalaki.
unta sa pagsaul;og nato karung pasko naa may handa o wala kita malipayon sa pagsaulog sa pagkatawo sa atong Ginoo.
ikaw, kita, kamu unsa man pud ang inyong kanta diha sa Ginoo? unsa may theme song ninyo sa Ginoo? kung kamu wla pay kanta para sa Ginoo palihug himui na...
hinaut pa unta.
No comments:
Post a Comment